ވިނަރެސްގެ ސެކިއުރިޓީއާއި މަރާމާތާއި އަދި މުނިސިޕަލް ޚިދުމަތްތަކާގުޅުންހުރި ކަންބޮޑުވުންތަކާއި ގުޅިގެން ޕެޓިޝަނެއް ހުށަހަޅައިފި

ވިނަރެސްގެ ސެކިއުރިޓީއާއި މަރާމާތާއި އަދި މުނިސިޕަލް ޚިދުމަތްތަކާގުޅުންހުރި ކަންބޮޑުވުންތަކާއި ގުޅިގެން ވިނަރެސް ވިނަރެސް ފްލެޓްތައް ގަނެފައިވާ މީހުންގެ ފަރާތުން ޕެޓިޝަނެއް އެޗްޑީސީއަށް ހުށަހަޅައިފިއެވެ.

ވިނަރެސް ފްލެޓްތަކުގައި މީހުން ދިރިއުޅެމުން އަންނަން ފެށިތާ 1 އަހަރު ވެފައިވާ އިރު ވިނަރެސް ފްލެޓްތަކުގެ ސެކިއުރިޓީ، މެއިންޓެނެންންސް އަދި މުނިސިޕަަލް ކަންތައް އެޗްޑީސީއަށް އެކަށީގެންވާ މިންވަރާއި ގާތަށްވެސް ކުރެވެމުންނެއް ނުދެއެވެ. މިކަން މިސަރަހައްދުގައި ދިރިއުޅެމުންދާ އަދި ޒިޔާރަތްކުރާ ހުރިހާ ފަރާތަކަށްވެސް ފާހަގަކުރެވޭނެއެވެ.

ވިނަރެސް ފްލެޓް ގަތް ފަރާތްތައްކުން މި ޕެޓިޝަން ހުށަހެޅީ ވިނަރެސް ފްލެޓް ވިއްކުމަށް އެޗްޑީސީއިން އިސްތިހާރުކޮށްފައިވާ ’ވިނަރެސް ބްރޯޝާ‘ ގައި ބަޔާންކޮށްފައިވާ ހިދުމަތްތަކާއި، އެމްނިޓީސް އަދި ވިނަރެސް ފްލެޓްތަކުގައި ގަވާއިދުން ކުރަންހުރި މަރާމާތުތައް ގަވާއިދުން ނުހިނގާތީ އާއި މިއަދާ ހަމައަށްވެސް ހައްލުނުވެ ހުރި ވަރަށް ގިނަ މައްސަލަތަކާއި އަދި ޚިދުމަތްތައް ހުއްޓިފައިވާތީ އެކަމުގެ ކަންބޮޑުވުމާއި އެކުއެވެ.

ވިނަރެސް އިން ފްލެޓް ގަތް ފަރާތްތަކުން އެދެނީ މި ޑިސެމްބަރ މަސް ނިމުމުގެ ކުރިން ފްލެޓް ތަކުގައި ދިމާވެފައިވާ ހުރިހާ މައްސަލަތަކެއް ހައްލުކޮށް، ސެކިއުރިޓީ ބެލެހެއްޓި، މަރާމާތުކުރަންޖެހޭ ހުރިހާތަނެއް މަރާމާތުކޮށް ނިންމުމަށެވެ. ވިނަރެސް ފްލެޓްތަކުގައި މީހުން ދިރިއުޅެން ފެށިތާ  އެއް އަހަރު ފުރިފައިވާއިރު މިކަންކަން ހައްލުނުވެ އޮތުމަކީ އަޅުގަނޑުމެންނަށް ބަލައިގަނެވޭނޭ ކަމެއް ނޫނެވެ.

ވިނަރެސް އަކީ ވަރަށް ބޮޑު އަގުގައި ބޮޑު ޑައުންޕޭމެއްންޓެއް ނެގުމަށްފަހު ވިއްކާފައިވާ ފްލެޓްތަކެކެވެ. އެހެން ނަމަވެސް މި ޕެޓިޝަންގައިވާ އަސާސީ ޚިދުމަތްތައްވެސް ވިނަރެސްގަތް ފަރާތްތަކަށް ލިބެމުން ނުދާކަން ފާހަގަކުރެވެއެވެ. މިކަންކަން މިހެން ހުރި ކަމުގައިވިޔަސް އެޗްޑީސީއިން މިހާރުވެސް މަސައްކަތް ކުރަމުންދަނީ ވިނަރެސްގެ ޕާކިން ސްލޮޓްތައް ވަރަށް ބޮޑުގައި ވިއްކުމަށް މަސައްކަތް ކުރަމުންނެވެ. ވިނަރެސް ޕާކިން ސްލޮޓެއްގެ ބީލަން ފެށޭ އަގަކީ 650،000 (ހަ ލައްކަ ފަންސާސް ހާސް) ރުފިޔާއެވެ. ބެލެވޭ ގޮތުގައި މިއީވެސް ވަކި ބައްޔަކަށް ނުހައްގު މަންފާއެއް ހޯދައި ދިނުމަށްޓަކައި ކުރަމުންދާ ކަމެކެވެ. ވިނަރެސް އިން ފުލެޓްގަތް ފަރާތްތަކަުންވަނީ މީގޮތަށް ޕާކިން ސްލޮޓްތައް ނުވިއްކުމަށް އެދި ޕެޓިޝަނެއް ހުށަހަޅާފައެވެ. ނަމަވެސް ވިނަރެސް ފްލެޓްގަތް ގިނަފަރާތްތަކެއްގެ އެދުމަށް ގޮންޖެހުމަށްފަހު މި ޕާކިން ސްލޮޓްތައް ބޮޑުއަގުގައި ވިއްކުމަށް ކުރަމުންދާ މަސައްކަތް ދަނީ ކުރިއަށެވެ.